MSSC-in High School Level Sports Festival neih rawtna pawm

Nimin khan BS Farm, Falkland-ah Mizoram State Sports Council chu an president leh Sports minister nibawk Pu Zodintluanga hovin an ṭhukhawm a, hetah hian Sports discipline hrang hrangah ṭum khata High School level-a hmun khata Sports Festival neih tawh thin a rawtna chu pawm a ni.
An thurel dang zingah chuan District Sports Committee chu a hming thlak lovin a kalphung erawh a ṭhat zawk theih nan ennawn ni se an ti a, Sports Association hrang hrangte intawm theih tur multipurpose hall lian tak 2 sak nise tih an pawm bawk.

Hockey chu India ramah hmeichhia leh mipa a inchhunfin tawh avangin Mizoramah pawh chhunfinin ‘Hockey Mizoram’ tia a hming vuah an pawm a, MSSC ram neihte dan hnuaiah humhalh a a ram neihte enkawl turin Sub Commtee din an rem ti a, MSSC Establishment siamṭhat (restructure) chu a thuphungin an pawma Executive te ennawn turin an dah.

Association te fund tihpun nan plan fund piah lamah kawng zawn ni se tih an pawm bawk a, Elite Athletes Identification chu kalpui tura pawmin office lam bawhzui turin an dah a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram