Workshop on Procurement Issue nei

United Nations Development Programme (UNDP) scoping Mission Team on Technical Assistance for Procurement Issues leh Mizoram Sawrkar tangkawp buatsaih WORKSHOP ON PROCUREMENT ISSUE chu nimin khan New Secretariat Conference Hall-ah neih a ni. He hun hi Pu Lalsawta, Planning, Finance etc Minister in khuallian niin a hmanpui.

Khuallian chuan Sawrkar sum hlawk thei ang ber hmanga ram hmasawnna chak zawka kalpui anih theihnan Procurement System rintlak leh mumal tak neih a pawimawh tih sawiin, sawrkarin sum hlawk leh dik thei ang bera hman anih theihnan theihtawp a chhuah zel tur thu a sawi.

He Workshop hi Dr C. Vanlalramsanga, Planning Secretary chuan a kaihruai a. UNDP Team atangin Mr Krishan Batra, Senior Adviser leh Procurement Specialist Resource Person niin presentation a pe a. Mizoram Sawrkar Procurement System kalpui mek zirchianna leh tha zawk leh hlawk zawka kalpui theih dan tur chipchiar taka sawiho a ni. He hunah hian Mizoram Sawrkar hnuai a Heads of Department te, Finance Department official te, leh Planning Department official te an tel a ni.

UNDP Team te hian chawhma lamah  Pu Lalsawta, Planning, Finance etc Minister;  Chief Secretary;  Planning Secretary leh  Finance Commissioner te an kawm bawk a ni.