British Boxer Amir khan chuan Zirtawpni khan New York-ah Welterweight-ah American boxer Chris Algieri chu Unanimour point hmangin a hneh a, hemi hnu hian Floyd Mayweather chu a hnek leh tura a duh ber a nih thu a sawi zui leh.Kum 28 mi, Khan hian Algieri hi 117-111, 117-111, 115-113-in a hneh a, tun ṭuma a chak leh hi a zawna ṭum 5 a chakna a ni ta a, Algieri a hneh hnu hian “Amir Khan chuan Floyd Mayweather inhnekpui a duh a ni,” tiin a sawi a, “Hemi dawta inhnekpui hi ka duh a ni. World Boxing Council-a challenger number one ka ni ta a, ani hi Champion lai a ni a. He inhnek hi thlentir turin ka sawm a ni,” tiin a sawi bawk.
Hetihlai hian kum 38-a upa, Mayweather hian September hian inhnek pakhat hmachhawn leh a, chumi hnu-a boxing chawlhsan a tum nia hriat a ni a, he inhnekah pawh hian Mayweather hian Khan ai hian Argentina boxer, Marcos Maidana chu hnehpui a duh zawk nia hriat a ni bawk.