French Open: Last 16-ah Djokovic Vs Nadal

Serena Williams chuan French Open khelh mekah Victoria Azarenka hnehin Quarterfinal a thleng a, Novak Djokovic leh Rafael Nadal chu last 16-ah an inhmachhawn dawn a ni.
World No. 1 Serena hian darkar 2 leh minute 3 chhungin Azarenka hi 3-6, 6-4, 6-2-in a hneh a, Serena hian last 16-ah a hnampui, Sloane Stephens a hmachhawn leh dawn a, kumin French Open title hi a la leh a nih chuan French Open title vawi 3 a lakna tur leh Grand Slam title 20 a lakna a ni dawn a ni.

Djokovic hian Last 16 thleng tur hian Thanasi Kokkinakis chu 6-4, 6-4, 6-4-in a hneh a, Nadal hian Third Round-ah hian 6-1, 6-3, 6-2-in third-Russian Andrey Kuznetsov a hneh ve bawk a, Nadal hian kuminah hian title a la leh a nih chuan French Open title 10 a lakna tur a ni dawn bawk a ni.

Wimbledon Champion leh fourth seed Petra Kvitova pawhin Irina-Camelia Begu chu 6-3, 6-2-a hnehin Quarterfinal a inhlangkai a, Third seed Andy Murray pawhin 29-Nick Kyrgios chu 6-4, 6-2, 6-3-a hnehin Last 16 a lut bawk.

Hmeichhe lamah 17-Sara Errani pawhin 10th Seed Andrea Petkovic hu 6-3, 6-3-a hnehin Quarter-final hi a inhlangkai a, mipa lamah 20-Richard Gasquet chuan 15-Kevin Anderson chu 4-6, 7-6(4), 7-5, 6-4-in a hneh a, 7th Seed David Ferrer leh 9th Seed Marin Cilic pawh te pawh Last 16 an inhlang-kai bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram