Ludhiana, Punjab-ah Inrinni-a Gas tanker aṭanga Ammonia Gas leak vangin mi 5 an thi a, damlo 115 chu damdawia enkawl mek an ni a, thuneitute chuan he gas leak hi a hlauhawm tawh lo tih an sawi.
Nimina Ludhiana Deputy Commissioner charge latu GK Singh Dhaliwal sawi danin, Doraha-a gas leak vang hian mi 213 damdawi in-ah dah an ni a, tunah hian mi 115 chu damdawi in 10-ah la enkawl mek an ni tih a sawi a, heng damlo te pawh hi tunah an dinhmun a ṭha a, damdawi in aṭanga chhuahtir thuai beisei an ni a ti a, heng damlo te enkawlna senso zawng zawng hi Punjab sawrkarin a tum vek dawn a ni.
He gas leak chhan hi Gas tanker hian Flyover bridge a sut vanga a thleng a ni.