Nimin khan Digital India Week hman dan tur sawihona e-Governance Hall Aizawl ah neih a ni a, Pu C. Lalhmachhuana ITS, Secretary ICT Department chuan hei hi a kaihruai a ni.
Thuhma sawiin Pu C. Lalhmachhuana chuan, Digital India Week-in a ken tel tur tam tak zingah IT hmanga mipui mimir hnathawhna thlunzawm a, awlsamna leh dikna thlen chunga ram hmasawn tirte a tel a. Chu chuan a hrin tur chu sawrkar tha leh langtlang, khawtlang tha, ram leh mipui kawng tinrenga hmasawn tir a, zirna thlenga mipui tana rahbi thar chhawp sak te a tel a ni, a ti.
July 1, 2015 khian Delhi ah Prime Minister in he Week hi a hawng dawn a. Hemi rual hian Aizawl ah pawh he programme hi hawn tum a ni. Week chhung hian IT lama hmasawnna kawng leh mipui mimir chhawr bawk tur kawng hrang hrang 12 nimina meeting hian an rel a ni.