Chief Minister Pu Lal Thanhawla chuan Zirtawpni tlai khan E.Bungtlang-ah Mizoram Rural Bank (MRB) Branch, Mizorama MRB Branch 78-na a hawng.
Hawnna inkhawm Bank kawttuala buatsaihah Chief Minister chuan Bank te hi mipui tana ṭangkai tur chuan mipui ten thawhchhuah kan neih a ngai a, bankah dah ṭhain kan khawl tur a ni a ti a. Hengte hi bank chuan mipui tan hamthatna siam ve in kan in chhawr tawn thin a ni a ti.
MRB branch thar hawn takah hian thawktu Manager leh mi pahnih dang dah nghal a ni a, MRB branch hi Bungtlangah vawi 2 hawnna a ni a, kum 1980 chho vela MRB in a hloh zawng zela a kal avangin kum 1988 khan MRB branch 18 tih tawpa ni a; chumi zingah chuan helai hmuna branch lo ding tawh chu tih tawp zingah a tel a ni.
Mizoram Rural Bank hian kum 2000 hmalam khan hlawkna an nei ngailo a, hloh zawng hlira an kal avangin branch 18 lai tih tawp a ni nghe nghe a. Kum 2006ah recruitment tharte siamin, kum 2009 khan leiba an neihte (liability) an rul fai thei chauh a ni. Kum 2011 atangin hlep an nei chho tan a, tunah hian bank hmasawnna tehfungah ‘Categoy II’ ah awmin, an credit deposit ratio pawh 10.38% a ni.