Football thuthang

##    Manchester City chuan Paul Pogba an lalut a nih chuan £155m vel an sen a ngai dawn. Juventus hian kum 22 mi, France midfielder hi £80m an chhiat a, Pogba chuan a contract-ah kum 5 chhunga chawlhkar tin £250,000 hlawh a duh dawn a, chu chu £65m a tling a, hei bakah hian City a zawmna fee £10m a la tel a ngai dawn bawk a ni. -Daily Star Sunday
##    City chuan duhthlan tur dang an nei bawk a, chu chu Liverpool winger kum 20 mi, Raheem Sterling leh Belgium leh Wolfsburg midfielder, kum 23 mi, Kevin de Bruyne te pahnih lakluh nana £150m sen a ni. -Daily Mirror

##    Arsenal leh Real Madrid te pawhin Sterling hi an beisei a, Liverpool manager hlui Rafael Benitez chuan Bernabeu-a a player lakluh hmasak ber ni turin Sterling lakluh dan tur hi a ngaihtuah mek a ni. -Sunday Express

##    Hetihlai hian Arsenal chuan Sterling an lakluh theihna tur a nih chuan Sterling man atana an ngamna zât chu £75m thleng pawhin an tisâng mai thei.
-Evening Standard

##    Real Madrid forward Cristiano Ronaldo chuan £87m-in Paris St Germain a zawm mai thei a, mahse Ronaldo hian PSG a zawm dawn a nih chuan PSG hian Sweden Striker Zlatan Ibrahimovic an hralh phawt a ngai ang.             -Sunday Telegraph

##    Manchester City chuan an ṭhenawm Club, Manchester United aṭangin Angel di Maria chu lakluh an duh a, mahse kum 27 mi, he Argentina midfielder hi lalut tur chuan Paris St-Germain, Bayern Munich leh Barcelona te nen an inel a ngai dawn a ni.
– Sunday Times

##    Hetihlai hian United chuan Spain defender Sergio Ramos chu Old Trafford-ah lakluh an tum mai thei a, a chhan chu Ramos-a’n kum khata £10m hlawh a phût chu Real Madrid-in an tihhlawhtlinsak theih dawn loh vang a ni.         – Daily Star Sunday

##    Chelsea chuan kum 29 mi, Radamel Falcao chu Monaco aṭanga loan-a lakluh an hnaih tawh hle.     – Sunday Telegraph

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram