%% Liverpool chuan Manchester City aṭangin a vawi 3-na atan Raheem Sterling lei tuma dawrna an dawn leh an beisei a, Liverpool-in kum 20-a upa, Sterling man zata an chhiar £50m hi an tlin a nih chuan hreh tak chunga hralh an remtih mai a ngai tawh ang. -Liverpool Echo
%% Manchester United chuan player thar lei nan £150m sêng turin an inring tawh a, an player lei tura sawi zingah hian Ajax goalkeeper Jasper Cillessen, 26, Real Madrid defender Sergio Ramos, 29, Bayern Munich midfielder Bastian Schweinsteiger, 30, leh Real Madrid forward Karim Benzema, 27 te an tel a ni. -Daily Mirror
%% Manchester City chuan Juventus midfielder kum 22 mi, Paul Pogba an la theilo a nih chuan Arsenal midfielder Jack Wilshere lamah an insawn ang. -Sun
%% Newcastle chuan Premier League Club dangten chhuhsak an tum, an striker Papiss Cisse, 30 chu £10m vela hralh tumin an intintuah mek a, hemi rual hian a aiawh turin Marseille striker Florian Thauvin, 22 chu lakluh an tum ang. -Newcastle Chronicle
%% Dick Advocaat chuan Newcastle luahlan tur leh Sunderland Transfer Record ni hial turin PSV Eindhoven midfielder Georginio Wijnaldum, 24 lalut turin a inpuahchah mek. -Daily Mirror
%% Newcastle chuan QPR Striker Charlie Austin, 25 chu lakluh tumin an bei zel a, amah an hmin theihna turin Jersey number 9 hâktir turin an thlem tel bawk. -Daily Star
%% Atletico Madrid chuan Manchester United striker, Javier Hernandez, 27 chu an ngaihven ve leh tawh a, Hernandez hian season liam ta khan an hmelma club Real Madrid tan loan-in a khel a nih kha. -Fox Sport
%% Chelsea Captain John Terry chuan Arsenal-in an goalkeeper, Petr Cech, 33 an lalut a nih chuan Arsenal chuan season khatah point 12-15 vel an hmuh belh phah theih a rin thu a sawi. -Talksport
%% New York City leh Juventus te chu Italy midfielder Andrea Pirlo, 36 chungchangah an inbe mek. -NBC Sports