Airports Authority of India (AAI) chuan International Standard-a Agartala airport chei ṭhat nan Cheng vbch 426 a ruahman.
Tripura Chief Minister, Manik Sarkar-a nena an inhmuh zawha AAI Chairman, RK Srivastava-a’n thuthar theh darhtute a hrilh danin, airport chei ṭhatna tura survey leh thil pawimawh dangte chu zawhfel vek a ni tawh a, tunah chuan international standard dinhmuna hlangkaitu tur, project consultant rawih hmabak a ni, a ti.
Tripura Transport Minister, Manik Dey-a chuan Bangladesh nena insumdawn tawnna turin Agartala Airport chu international airport-a puang turin sawrkar laipui an lo nawr tawh ṭhin tih a sawi a, hemi atan hian master plan siamin thlawhna ṭum kawng tihzauh nan state sawrkar chuan ram, acre 72-a zau chu AAI kutah a hlan a ni, a ti bawk.