Mariah Carey chu Nick Cannon nen an inṭhenfel hnuah a ngaihzawng thar, James Packer chuan a rang thei anga inneih a duh thu a sawi.
Kum 6 an inneih hnuah Carey leh Nick Cannon te hi nikum nipui lai khan an inṭhen a, mahse tunah hian dân lama an inṭhenna chu an la tifel lo thung a, an inṭhenna hi an tihfel thuai beisei a ni a, tuna a ngaihzawng thar Australian Billionaire nen hian kar kalta aṭang khan an ‘NI’ ve ṭan a, mahse innei turin tiamthu di an hril dun tawh niin report ṭhenkhat chuan a tarlang.
Zaithiam kum 45-a upa, Carey lamhnai tak pakhatin TMZ.com a hrilh dan chuan Packer hian a tlai hmaa inneihpui thuai a duh a, hemi chungchangah hian Carey pawh a inhawng hle niin a tarlang a ni.
Kum 47-a upa, sumdawng hausa, Packer hausakna hi $4.7billion vel niin chhut a ni a, May thlaa Las Vegas-a Carey Concert a chhim aṭang khan Carey lakah hian a luangliam ṭan a, hemi hnu hian a duhna tihpuitlin tum a chhu zui ta zel a ni.
Packer hian kum 2013 khan a nupui pahnihna Erica a ṭhen a, hemi hnu hian Top model, Miranda Kerr nen sawi an kai deuh a ni.