Kekawr tâwt lutuk hâk a thalo

Fashion runway aṭanga Office thlengin Jeans tight tak hi incheina tlanglawn tak a ni ta a, mahse heng kekawr tâwt lutuk hian taksaah chhiatna a thlen thei tlat mai.
Journal of Neurology, Neurosurgery & Psychiatry chuan hmeichhe kum 35 mi nat dan dangdai tak a tarlang a, he hmeichhia hi damdawi in-ah dah niin, a ke-rêk leh a khup chin hnuai lamah engmah hre lo-in a awm a ni.

He damlo hian a hma ni-in a chhungte insawn tur a puih thu a sawi a, ṭhu tung chunga thil rit tak tak a chawi thu sawiin, hemi ni hian a jeans tight tak chu hâk a hrehawh tulh tulh tih a sawi a, tlai lamah phei chuan a ke chuan a hriatna a hloh a, kal pawh har a tih thu a sawi a, a tawpah chuan kal thei lovin a tlu a, midangin an rawn hmuh hma chu tho thei lovin a awm zui ta a, damdawi in panpui a nih hnu-ah a châwn chu a vûn nasat avangin a jeans pawh chu phelh pangngaiin a phelh theih loh a, an zai thler ta ringawt a, a ke-rêk leh a ke zungṭang te pawh a tiche thei lova, a khup chin hnuai lam chuan a hriatna a hloh vek a ni.

CT Scan aṭanga a lan dan chuan he damlo tihrawl leh nerve hi a chhia tih hmuhchhuah a ni a, hetiang hi rei tak ṭhutunga awmin a awm vang niin a lang a, a enkawltu doctor chuan tight-fitting jeans a hâk hian he natna thleng thei hi nasa takin a tizualkai nia a hriat thu a sawi.

He damlo hi Compartment Syndrome enkawl dana enkawl a ni a, Compartment Syndrome chu tihrawla thisen kal ṭha hlei thei lo leh nerve vûng vanga awm a ni a, he damlo hi damdawi in-a ni 4 enkawl a nih hnu-ah chhuahtir a ni tawh a, a kal leh thei tawh tâwh a ni.

He damlo hi Jeans tâwt tak hâk vanga damlo hmasa ber report a ni lova, mahse khup hnuai lam nerve chhiat phah hmasa ber erawh a ni a, damlo dang chu an mal leh an kap vel mu chuah chuah leh nerve nâ te an ni hlawm a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram