Murray-a’n Djokovic hmachhawn dawn; afarova-i’n Final a thleng ta

Andy Murray chuan a vawi khat nan David Ferrer chua Clay-ah hnehin French Open Semi-Final a thleng a, Semi-Final-ah hian Rafael Nadal hnehtu Novak Djokovic a hmachhawn ang.
Kum 28 mi, Murray hian 7-6 (7-4), 6-2, 5-7, 6-1-in Ferrer hi a hneh a, tun ṭum hi Grand Slam Semi-Final a thlen vawi 16-na tur a ni dawn a ni.

Djokovic hian Nadal hi Straight set 7-5, 6-3, 6-1-in a hneh a, Djokovic hi French Open-a Nadal hneh thei pahnihna a ni a, Nadal hian a kum 29 tlin ni takah hian kum 6 chhunga Roland Garros-a a chakloh hmasak ber a tawng a, kum 2009 khan Fourth Round-ah Robin Soderling chuan Nadal hi a lo hneh tawh a ni.

Nizan khan Lucie Safarove chuan Ana Ivanovic hnehin Final a lut a, kum 34 hnu-a Czech hmeichhe zinga French Open Final lut hmasa ber a nih bakah Grand Slam final a vawi khat luhna a ni.

Safarove hian Ivanovic hi 7-5, 7-5-in a hneh a, Inrinni-a final khelh hunah Serena Williams leh Timea Bacsinszky te inkhela a chak zawk zawk a hmachhawn dawn a ni.