Vishakapatnam Airport-ah mi 56 hnen atangin rangkachak Kg. 63 man chhuah a ni

Vishakapatnam Airport-ah thlawhna passenger 56 te chu electronic bungraw chhunga rangkachak Kg 63 ngawt an dah thuhruk vangin man an ni a, Custom Act hnuaiah thubuai ziahluh a ni.

Heng Passenger man zinga a tam zawk hi Tamil Nadu mi an ni a, heng mite hi Kuala Lumpur leh Singapore aṭanga rawn thlawk lut niin, thlawhna hrang hrang 3-a chuang an ni a, heng an mi man zinga a tam zawk hi thlawhnaa chuang ngailo an ni a, heng rangkachak te pawh hi an tâ ni lovin mi ṭhenkhatin rangkachak kengtu atana an hman mai mai niin Police lam chuan an sawi.

Rangkachak an man zinga Kg. 1 hi hmeichhe pathum handbag aṭanga man a ni a, electronic bungtua an endiknaah hian electronic bungraw chhunga Rangkachak phumruk hi an hmu chhuak ta a, amplifier-ah magnet ang te, coil ang te, speaker stand ang te leh electronic chhunga a part hrang hrang angin dah a ni a, an rangkachak man zawng zawng hlut zawng hi cheng vaibelchhe 16.85 vel a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram