Zidane-a’n Real head coach nih a beisei tih a sawi

Real Madrid player hlui, Zinedine Zidane chuan Real Madrid khan Carlo Ancelotti thlaktu turin head coach atan sawm se chuan a pawm tur thu a sawi.
Zidane hi 2013-14 season khan Ancelotti Assistant-ah a ṭang a, khami season khan Champions League leh Copa de Rey-ah an champion a nih kha.

Season liam taa an NIL hnu-a Ancelotti an ban hnu khan Zidane hi Ancelotti thlaktu atana sawirik zingah a tel a, mahse a tawpah chuan experience nei ṭha zawk Rafa Benitez kha an thlang ta zawk a ni. Zidane chuan amah thlang lo mahse Benitez emaw, Real Madrid lakah lungawi lohna a nei lo tih a sawi a, Real Madrid enkawl tur hian hun ṭha dang a la neih tho a beisei thu a sawi bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram