Assembly Session tihtawp a ni

Ni 3 awh Mizoram Legislative Assembly pasarihna, ṭhutkhawm ṭum 6-na Budget Session chu nimin khan tiam chin awm lovin tih tawp a ni.
Tun ṭum Budget session-ah hian Finance Minister Pu Lalsawta chuan thla thum chhung – August aṭanga October thlenga sawrkar sum hman lailawk tur cheng vaibelchhe 1823.8144 chu vote on account in a pharh hnu ah pawm a ni.

Session ah hian zawhna ṭawngkaa chhan chi 69 a lut a, zawhna hnawl pahnih awmin List of bussines ah zawhna 33 dah luh a ni a, house ah hian ṭawngkaa zawhna 12 chhan hman a ni a. Ziaka chhan chi Unstarred question 29 lut zingah 21 pawm a ni a, pahnih chu hnawl niin starred question aṭanga leh 34 a awm a ni.

Tun tum session chhung hian Assembly committee peng hrang hrang ten report 9 an pe a, sawrkar lehkha pawimawh 10 house ah hian pharh niin, bill 4 pharh anih bakah Minister Pu Zodin-tluanga Official resolution thehluh chu house hian lungrual takin a pawm a ni.

Nimin session, ni hnuhnung berah zawhna paruk zawh a ni a, panga chhan hman a ni a, House dawhkanah lehkha pawimawh 2 pharh a ni a, report panga thehluh a ni. Sorkar resolution pakhat ngaihtuahin pawm a ni a, Bill pathum ngaihtuaha pass a ni a, sorkar deptt. hrang hrangin thla thum chhunga an pawisa hman tur Vote on Account-in pass a ni a, heng pawisate hman phalna tur Bill pawh pass nghal a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram