Forbes-in Celebrity zinga sum lalut hnem list a tih chhuahah Boxer Floyd Mayweather chu a chung berah awmin, Manny Pacquiao chuan a dawt.
Hemi te pahnih hi kumina an inhnek khan an sum lakluh a tipung nasa dun hle a, Mayweather hi thla 12 kalta chhung khan $300m a la lut nia chhutsak a ni a, Pacquiao hian $160m a lalut anga chhut a ni a, hetihlai hian kha an inhnek aṭanga an sum lakluh zat chiah kha puanzar a ni lo a ni.
Pathumnaah hian Katy Perry a awm a, ani hian $135m lalut anga chhutsak a ni a, Perry hi Prismatic World Tour a neih khan a sum lakluh a tipung nasa hle bawk a, One Direction chuan $130m lalutin an dawt a, American TV leh radio host Howard Stern chu panga-naah awmin, $95m a lalut anga chhutsak a ni.
Country music star Garth Brooks chu 6-na ($90m)-ah awmin, Author James Patterson chu 7-na ($89m) a ni a, Taylor Swift leh Iron Man actor Robert Downey Jr chu 8-naah ($80m) awmin, footballer Cristiano Ronaldo chu 10-na ($79.5m) a ni.
Celebrity sum lalut hnem Top 100-ah hian India mi pali ang lang a, Actor Amitabh Bachchan chu 71-naah awmin, $33.5m lalut anga chhut a ni a, ani bakah hian 71-naah tho hian Salma Khan pawh a awm a, Akshay Kumar chu 76-naah awm-in, $32.5m lalut anga chhut a ni a, India ODI leh T20 Captain MS Dhoni chu 82-naah awmin, $33.5m lalut anga chhut a ni.
The Eagles (No 14), Roger Federer (16), Calvin Harris (No 17), Justin Timberlake (No 19), Diddy (No 21), Fleetwood Mac (No 24), Lady Gaga (No 25), Beyonce (29), reality TV star Kim Kardashian (33), Tiger Woods (37), Tom Cruise (52), Johnny Depp (87) leh Leo-nardo DiCaprio (89) te hming a lang a.
Chef Gordon Ramsay (No 21), author James Patterson (No 7) leh model Gisele Bündchen (No 46) te chu an category aṭanga lang awm chhun an ni a, Footballers Neymar (No 82) leh James Rodriguez (No 89) te chu he list-a naupang ber niin, kum 23 mi ve ve an ni a, kum 73 mi, Musician Paul McCartney (No 35) chu he list-a upa ber a ni thung a, Maria Sharapova (No 88) chu he list-a hmeichhe infiammi lang awm chhun a ni.
Celebrity 100 List-ah hian musician 38, infiammi 29, lemchan thiam 19, mi bik 6, radio star 3, comedian 2 bakah chef, model leh author pakhat ṭheuh an lang a ni.