Chhiahtlanga ITI sak hna chhunzawm thuai beisei

Nimina Assembly Session-ah MNF Member Pu Lalrinawma zawhna chhangin Labour, Employment and Industrial Training changtu Minister Pu Lalrinmawia Ralte chuan Chhiahtlanga ITI buiding sak hna a kal muan chhan chu a ram chungchanga buaina a awm vang a nih thu sawiin, buaina hi chinfel a nih tawh avangin chak taka thawh chhunzawm theih beisei a ni, a ti.
Pu Lalrinmawia Ralte chuan “Chhiahtlang leh Champhaiah te ITI building sak hna hi kalpui a ni a, Champhai bik chu chak taka thawh a ni a, a building pawh sak pum vek tawh a ni” a ti a, “heng ITI pahnih sakna tur hian central sorkar atangin cheng nuai 482 dawn a ni tawh a, Chhiahtlang bik chu a sakna hmun tur Power and Electricity Deptt. ram a lo nih avangin hun engemawchen a khaihlak a ni” a ti.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram