Supreme Court-in a din, member pathum awmna panel chuan khawvela Twenty20 Cricket league-a sum tamna ber, Indian Premier League team pahnih – Chennai Super Kings leh Rajasthan Royals te chu corruption thubuai avangin kum 2 chhung a hrem.
He panel, Chief Justice of India hlui, Rajendra Mal Lodha kaihhruai hian dân lo anga inchawina leh match-fixing chungchang avangin heang team pahnih te hi a hrem a, anni bakah hian Rajasthan Royals neitu zinga mi Raj Kundra leh Chennai Super Kings-a mi, Gurunath Meiyappan te chu an dam chhunga Cricket kaihhnawih thila tel thei tawhlo turin a hrem a ni.
Chennai Super Kings-ah hian India skipper MS Dhoni chu Captain a ni a, final vawi 4 thleng tawhin, kum 2010 leh 2011 khan an champion a, Royals-ah hian Australian batsman Steve Smith chu Captain a ni a, he tournament khelh ṭan kum, 2008 khan an champion tawh bawk a ni.