Actress Salma Hayek chuan upat chu a hlauh thu leh kum 50 tlin chu a râp ṭhin thu a sawi.
Desperado-a a changtunu, Hayek hi kum 49 a tling dawn hnai tawh a, Hayek chuan, “Hmeichhiaten an lo tawrh ṭhin he thil rapthlak tak, kum 50 tlin hi khâma tlâk ang a ni,” tiin a sawi a, “Hun kal tawhah khan, hetiang kuma ka landan tur leh ka nundan tur te hi mithlaa hmuh ka lo tum tawh ṭhin a, ka râp ṭhin a ni,” tiin a sawi a, “Vanneihthlak takin he suangtuahna hi ka titawp tawh a ni. Kum 50 nih hi kum ropui tak, thil tam tak la tih theih, la hlim theih, engkim duhthusam theih hun a la ni. Kum 50 ka hnaih tawhah pawh mi mit la tur khawpin ka la mawi reng tih ka chiang a, ka nun hi a la ṭha tawk tih ka hria a ni,” tiin a sawi.
Salma Hayek hian kum 2007 khan French billionaire François-Henri Pinault nen an inhual a, hemi kum vek hian fanu an nei nghal a, mahse kum 2008 khan an inhualna an titawp leh te te a, kum 2009 khan an kara hmangaihna chi nung la awm reng chu châwm puitling lehin an innei ta a, vawi 2 an innei nghe nghe a, Valentine’s Day 2009 khan Paris-ah an innei phawt a, a vawi hnihna atan April 25, 2009 khan Venice-ah an innei leh a ni.