Mumbai bomb puaka thiamloh chantir tawh Yakub Memon chu Supreme Court-in khawngaih a dilna a hnawlsak chuan July ni 30-ah khai hlum a ni mai thei a, khai hlum a nih chuan kum 1993-a mi 250 chuang thih phahna Mumbai bomb puak vanga tihhlum hmasak ber a ni ang.
Mumbai-a Anti-Terror Court chuan kum 53 mi, Memon tihhlum theihna hi a tichhuak tawh a, amah hi tunah Nagpur Central Jail-ah a tâng mek a, tihhlum a nih dwn chuan Nagpur jail emaw, Pune-a Yerwada jail-ah emaw khaihlum a ni ang tih Nagpur Jail superintendent Yogesh Desai chuan a sawi.
Memon hian thi tura a chung thu an relsak chungchangah hian Supreme Court leh President hnenah ngaihnatthiamna a dil a, a dilna hi hnawl a nih chuan khaihlum a ni ngei dawn niin a lang.