Zothlifim Logo
Loading ...

Aizawl Municipal Council (AMC) chuan mipuite harsat-na sut kianna tura ngaiin Aizawl City Bus Owners Association (ACBOA) nen ṭang-rualin, karleh Thawhṭanni (July ni 13, 2015) aṭangin hmun tlemte chauha ding tur Green Line Express bus a tlantir dawn.
Nimin khan Aizawl Press Club-ah AMC Councillor-te leh ACBOA hruaitute chuan thuthar lakhawmtute an kâwm a, Executive Councillor Rosiamngheta chuan mipuiin an chhawr ṭangkai ngei an beisei tih sawiin mipui mamawh dan a zirin tihchangtlun chhoh zel an tum thu an sawi a. Aizawl khawpui hian hnai taka enkawltu a mamawh tawh tih sawiin, hun reilote chhung parking enkawl hna a thawh chhungin mipui rilru siam thatchu thil tul hmasa a ni tih a sawi a. Mimal zalenna chu vantlang tana thil tha nekchep nan hmang lo turin mipui a chah tih a sawi.

Rosiamngheta chuan, mi tamtak chuan mahni tana tha turah dan zawm nuam an ti a, mahni tana tha tur ah vek dan bawhchhiat chakna neih thin bansanin “Aizawl Nuam, Him leh Tha Zawk i siam ang u” a ti.

ACBOA hruaitute chuan Greenline Express bus te bus te hian chhinchhaihna bik an nei dawn tih an sawi a, stand bik siam a ni tih sawiin, hetah hian Dropping leh Pickup chiah tih tur a ni a, ding zui lovin a tlan leh nghal dawn a ni. Bus fare hi Zero to Stand 1 zelah cheng 20 a ni a, a bak chu cheng 10 zel pek belh tawh tur a ni.

Greenline Express Bus te hi A & B in tlan tir tum a ni a, tuna Stand in a kal kan na ho hi B ina rawn hrut chho leh tura ruahman mek a ni bawk.

Express Bus hi Municipal a Parking committee in June 12, 2015-ah a rel a, Executive council chuan thlir lehin tha tiin July ni 17, 2015-ah a passed a ni.