Leiman cheng nuai 13.71 awmna chin hriat a ni lo

Champhai district atanga Land Revenue and Settlement Department chhiah lak atangin Rs.13,71,000 chu awma chin hriat a ni lo.
CAG Report in a tarlan angin kum 2008 leh 2012 inkar khan Champhai atangin Land Revenue and Settlement Department chuan lei manah Rs.113,49,000/- a hmu a,a hmuh atang hian Treasury challan hmangin sawrkar account ah Rs.99,78,000/- chiah a chhunglut a ni. CAG Report chuan Champhai Assistant Settlement Officer (ASO) hian kum 2008-09 atanga 2011-12 chhung khan kum tinin leiman atanga sum hmuh hi a dik tak sawrkar ah a chhunglut lo tih a tarlang a, hei bakah hian Assistant Settlement Officer (ASO) hian kum 2008 atanga 2012 thleng hian an sum hmuh dan kimchang takin chhin-chhiahna a neih loh bakah thla tina an sum lakluh dan tarlanna cash book te pawh a nei lo tih a tarlang. Hei hi State sawrkar ah hriattir ni tawh mahse kumin March thleng khan sawifihna a la awm lo a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram