Sawrkar laipuiin ICDP atan cheng nuai 4494.5 a pek hmangin Mizoramah hna thawh ṭan a ni

Mizorama Cooparative Society te chawikanna tura sorkar laipuiin Integrated Cooperative Development Project (lCDP) hnuaia cheng nuai 4494.5 a pek hmangin Mizoramah hna thawh tan a ni.
Cooperation Minister Pu Lalrinmawia Ralte chuan Integrated Cooperative Development Project ( lCDP) hi Aizawlah hawngin, State Level Cooperative Societies 9 te hnenah tanpuina tangkafai Sanctioned Order a sem nghal a. MAHFED Ltd. chu cheng nuai 150-a tanpui a ni dawn a, MCAB Ltd. chu cheng nuai 10, MIZOFED Ltd. cheng nuai 80, MAHCO Ltd. cheng nuai 41, PIGFED Ltd. cheng nuai 15, MASCOS Ltd. cheng nuai 2, WOMENFED Ltd. cheng nuai 15, MSCU Ltd. cheng nuai 5 leh ZOFISFED Ltd. chu cheng nuai 8-a tanpui an ni ang.

ICDP hmanga hmalak bul tanna inkhawmah hian co-operation Minister Pu Lalrinmawia Ralte chuan Mizoram Sawrkar in sum harsatna a tawh mek avangin buaina nasa zawk pumpelh turin awmze nei taka a sum neih chhun hman a ngai dawn tih a sawi a, Hmarchhak bialte a bika enkawlna tihtawp chhoh zel anih bawk avangin sawrkar mai ni lo mipuite pawhin sum hman leh peipunna kawngah hma thar kan lak a tul a ni a ti a, hemi kawngah hian Cooperative society te chu Mizoram tana hlawk taka hna thawh turm turin a chah a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram