Zothlifim Logo
Loading ...

Nimina FIFA Ranking tih chhuah tharah danglam a awm nual a, Argentina chu a chung bera an chhoh laiin, World No. 1 ni rei tak, Spain chu Top 10-ah pawh an lang phak tawhlo thung.Copa America final-a Chile laka tlawm Argentina hi kum 7 hnu-a FIFA ranking-a a chung ber an luah leh vawi khatna a ni a, Germany chu No. 2-ah an tla thla a, Belgium pawh No. 3 an ni bawk.

Wales chu a vawi khatna atan Top 10 ah an rawn lang a, hei vang hian tun thlaa UEFA 2018 World Cup qualifiers draw neih turah pawh Pot 1-ah an awm theih phah dawn a, Top 10-ah hian Romania (8th) leh England (9th) te pawh an lut thar a ni.

Ranking tharah hian India chu step 15 ngawta tlahniamin, 156-naah a awm a, Asia-a Ranking-a sang ber chu Iran niin, 38-naah a awm a, Japan (50th)-in dawtin, Korea Rep. (52th)-in a dawt leh a ni.

FIFA Ranking thar:
1.   Argentina (3)
2.   Germany (1)
3.   Belgium (2)
4.   Colombia (4)
5.   Netherlands (6)
6.   Brazil (5)
7.   Portugal (7)
8.   Romania (12)
9.   England (15)
10. Wales (22)
11. Chile (19)
12. Spain (10)
13. Uruguay (8)
14. Croatia (18)
15. Slovakia (17)
15. Austria (20)
17. Italy (13)
18. Switzerland (11)
19. Algeria (21)
20. Czech Republic  (16)