Fisheries Department Minister Dr. BD Chakma chuan sangha khawia eizawngtu te hnenah Scooty 100 pek turah 70 sem chhuah tawh a ni a ti.
Nimin khan MLA Dr. K. Beichhua Sessiona zawhna – Co-operative societies NFDB hnuaia sangha khawitute tanpuina chungchanga zawhna chhangin, Scooty dang 30 pawh document tihfel a nih hnuah sem leh a ni ang tih a sawi a, a dawngtute hi sorkar hriatpuiin ZOFISFED hnuaia Primary Fisheries Co-operative Societies-te’n an thlang tih a sawi.
Dr BD Chakma chuan Kum 2014-2015 chhungin Sangha chi Mamit-ah Nuai 59, Kolasib-ah Nuai 67, Aizawl-ah Nuai 45, Champhai-ah Nuai 35; Serchhip-ah Nuai 35; Lunglei-ah Nuai 36; lawngtlai-ah Nuai 10, a vaiin Nuai 297 sem a ni a ti.
Sangha chite hi Mizoram chhunga Fish Farm pasarih ta lak a ni ,a mahse mamawh zat an neih daih theih loh avangin hmun danga mi pawh lak thin a ni a, Mizoram chhunga Sangha khawitute’n Sangha chi an nei anih chuan duhsak thin an ni, Minister chuan a ti bawk.