Railway Minister, Suresh Prabhakar Prabhu-a’n kumin April thla ral hma-in Silchar aṭangin express rel thar 4 tlan tir a ni ang, a ti a, rel hmanga hmar chhak pumpui leh India ramchhung hmun dang thlunzawm chu sawrkar tum ber a ni, a ti bawk.
Pu Prabhu hian he thu hi Inrinni khan Silchar-ah sawiin Silchar atanga Tripura khawpui Agartala leh Assam-a Tinsukia bakah Mumbai leh Chennai rel service-te hi April thlaah chuan tlan tan tir hman a ni ang, a ti a, Silchar leh Guwahati inkarah intercity rel tlan tir a ni ang, a ti bawk.
Pu Prabhu-a hian Guwahati-Silchar-New Delhi rel service, Sampark Kranti Express rel chu Inrinni khan Silchar-ah a vailiam a, Badarpur-Jirania leh Badarpur-Jiribam sector inkara rel tlan tir chhinna tur a hawng bawk.