India 2016 lehkhabu tlangzarh

I&B Minister Arun Jaitley-a’n nimin khan N.Delhi ah India 2016 leh Bharat 2016 reference annuals a tlangzarh.
Thusawiin Minister chuan India 2016 lehkhabu a ramchhung chanchin chipchiar tak a tarlan te chu mitin a bikin chanchinbu mite leh politician te tan chhiar ngei chi ani, a ti a, he lehkhabu e-version a tlangzarh nghal bawk a. E-version man hi tlawm zawk in a lehkhabu man za a 75 a ni ang. Heng lehkhabu ah hian ram chhung chanchin huam zau tak a ziak niin, sorkar hnathawh dan leh economy chungchangte telin State te leh Union Territory hrang hrang chanchin te ziak ani a, sorkar leh dept hrang hrang scheme leh project chi hrang hrang kimchang tak a ziah niin, competitive exam bei tum te tan phei chuan a pawimawh hle ani.