Lungchhuan P/S-ah Zirtirtu Class la tur awm loh vangin school khâr

Tuichangral Zirlai Pawl (TCZP) chuan thuchhuah siamin, an bial chhung Govt Primary School, Lungchhuan-ah Zirtirtu, class la tur awmloh avangin Nilaini (Dt. 17.02.2016) aṭanga nimin thlenga school khar a ni chu pawi an ti tih an sawi.
TCZP-in thuchhuah an siamah chuan Govt P/S Lung-chhuan ah hian zirtirtu pakhat chiah a awm avangin khaw-tlang hruaitute leh zirlai hruai-tute chuan an bialtu MLA Pi Vanlalawmpuii Chawngthu leh Education Minister Pu Rohluna hnenah zirtirtu dah belh sak tura ngenna an thlen thu an sawi a, School session thar hawn leh hma ngeia dah belh an tum thu an sawi lai mekin Govt P/S Lungchhuan a zirtirtu awm-chhun chu engemaw harsatna avangin casual leave a la ta si a, hei vang hian Nilaini aṭang khan class la tur zirtirtu an awm tak loh avangin school hi khar a ni ta tih an sawi a, Zirlai nau-pangte’n an dikna chanvo (zirtirna) dawn tur an neihloh avanga harsatna an tawk chu TCZP chuan hriatthiam harsa a ti hle a. India danpui (Constitution) in zirlaite dikna chanvo a pek hi Govt P/S Lungchhuan zirlaiten an chan theih nan a rang thei ang bera hma la nghal turin Sawrkar an phut tih an sawi a, hetih rual hian zirlaite harsat-na tawh ah hian a mawhphurtu zawng chhuak a, a phu ang hremna pe turin sawrkar chu an phut tih an sawi bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram