Parliamentary Affairs Minister Venkaiah Naidu chuan vawiina Parliament Session tan turah, tunlai thil thleng larsar tak tak, JNU leh Hyderabad University buaina te leh Jat hnam te tana reservation chungchang te pawh sawiho an inpeih thu a sawi.
He thu hi nimina New delhi-a All Party Meeting neihah a sawi a, session neih turah hian ram danpuiin a phal chin te chu sawi theih vek a ni a, ram leh hnam inpumkhatna tinung turin theihtawp chhuah a ni ang a ti.
Vawiina budget session tan turah Minister chuan opposition party te chu mumal taka thu sawiho na nei thei turin a sawm a, debate leh discussion te pawh buaina awm lova kalpui a nih theih a beisei tih a sawi bawk.
Goods and Services Tax (GST) leh Real Estate chungchang chu session lo awm tura bill pawimawh bik, pass ngei ngai a ni , ati a. Meeting a telte hi Finance Minister Arun Jaitley, Congress leader Ghulam Nabi Azad, Jyotiraditya Scindia leh Samajwadi party leader Ram Gopal Yadav leh Trinamool Congress leader Sudip Bandyopadhyay te an ni.
Hetih rual hian Lok Sabha Speaker Sumitra Mahajan pawhin budget session lo awm turah tluang taka an kal theih nan party hrang hrang hruaitu te meeting a ko bawk a.
Budget session lo awm tur rorel hlei thei lova siam anih leh mai rin a nih avangin meeting te hi koh a ni a, opposition party te chuan JNU buaina leh Hyderabad University a zirlai mahni inthat chungchang te chu sorlar rorellai beihnan an hman ngei a rina ni.
Hetih lai hian sorkar chuan GST leh Real Estate Bill te chu agenda pawimawh ah dahin, ni 25 ah Rail Budget leh ni 29 ah General Budget te pharh tum a ni. He budget session neih awm tur hi kumin a session hmasa ber tur a nih avangin House ah President Pranab Mukherjee an thu a sawi ang.