Eptu MNF Party Ṭhalaite chuan Chief Minister Pu Lal Thanhawla chu Aizawl Civil Hospital-a mipui hman lai Therapy Ultrasound khawl a chenna ina kawl-ah an puh.
MNF Ṭhalai hian thuchhuah siamin Chief Minister-in a ke ruh ti-nâ-in hliam a tuar tih an sawi a, an tuarpui thu leh dam thuai tura an duhsak thu an sawi a. Chutih laiin Aizawl Civil Hospital-a damlo tam tak enkawl ngai an awm laia Chief Minister in a chenna in lama a enkawlna khawl Therapy Ultrasound a kawl daih mai nia sawi chu an hriatthiam loh thu an tarlang a. A rang thei ang bera damdawiina dahkir leh tura an phût thu an sawi bawk.
Hei bakah hian sawrkar chuan Aizawl khawpui laili-a awm Aizawl Civil Hospital chu a khum awm zât titlemin hmanraw pawimawh leh thawktu tam tak Referral Hospital lamah sawn nia an hriat thu an sawi a. Miretheite tana pan awlsam hetianga suasam a ni hi sawrkar an dem thu an tarlang bawk a ni.