Inrinni chawhnu lam khan Tv Lalawmpuia (Opa) (19) S/o C Lalnghakliana, Serchhip Vengchung chu Chawmkai (Mat Lui) ah a tlahlum a, nimin khan vui liam a ni.Lalawmpuia te thianho hi Inrinni khan Chawmkaiah picnic-in an kal a, chawhnu lamah a thiante chuan an hmuh tak loh avangin tuiah a tla nia ringin an chetvelna hmun hi dap a ni a, nimin tlai khan a ruang hi hmuh a ni ta a ni.
Lalawmpuia hi Govt Serchhip Higher Secondary School a pawl 12 zir lai a ni a, Inrinni zan khan a ruang hi an chenna inah lumen niin, nimin khan vuiliam a ni.
Nimin chawhnu khan Durtlang Leitan tlangval Lalawmpuia (19) S/o Lalnunmawii chu Reiek kai thlang Tlawng luiah a tla a, a ruang zawng tur hian mi tlawmngai engemaw zat a hmunah an kal nghal a, he thu ziah lai hian a ruang hmuh a nih leh nih lo kan hre hman ta lo a ni.