Thenzawl khawtlangin India Hockey Team-a player tel hmuak

Hockey World League Round -2 khelh zawh taka India Champion Team a tel Lalhlunmawii, Thenzawl khua chu nimin khan khawtlangin lo hmuakin chawimawina hun an hmang.
Hockey World League hi West Vancauver, Canada-ah April ni 1 aṭanga ni 9 inkar khan khelh a ni a, hetah hian India hmeichhe team te chuan Final-ah penalty shoot out hmangin Chile chu 3-1 in an hneh a ni. League khelh chhung hian Lalhlunmawii, Thenzawl Din-thar venga cheng chu match zawng zawngah inlanin players pawimawh berte zinga mi a ni.

Lalhlunmawii hian nimin khan Thenzawl thlengin, khawtlang huapa amah hmuahna leh chawimawina hun Thenzawl Joint VC Chairman Pu H. Laldawngkima kaihhruaiin, Joint YMA Hall Bazar vengah hman nghal a ni a, pawl hrang hrang leh mimal aṭangin chawimawina hlan nghal a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram