Badminton Court Carpet thar en

Inrinni zing khan MJA Serchhip District chuan Serchhip District Badminton Association (SDBA) hruaitu-te sawmna angin, Serchhip Indoor Stadium (Town hall hlui) a badminton court 3-a court carpet phah an en.

He Badminton court Court hi Chief Minister, bialtu MLA ni bawk Pu Lal Thanhawl a’n a ngaihtuahsak cheng nuai 15 (court khatah cheng nuai 5 zel) senga khuh zawh niin, hma laksaktu chungah SDBA te an lawm hle a ni. Court Carpet hi tui tihhuh a pawi thei hle a, chutihlaiin court sir Hall chhak lam bang chu hall chung tui paih dan fel tawk lo avangin a phui ṭha lova, man to em em a court phah hi a chhiat mai an hlauthawng hle a, hall chhuat plaster a ngheh loh bakah Table Tennis lam chan tura dah court khat pawh a phut reh thei lo bawk te chu siamṭhat sak an mamawh hle tih an sawi bawk. SDBA ten ruahmanna an siam dan chuan – Badminton-a hmasawn nan nitin dar 2–3:30 chu court 3 te chu naupang bak khelh awih loh niin, zing lamah court khat naupang pualin an dah a ni a. Pheikhawk pawh non marking shoe nen lo chuan khelh phal a ni lo a ni. He carpet anga tha hi Mizoramah hmun dangah a awm mang lo nia sawi a ni a, mipuite dimpui SDBA chuan mipuite an ngen a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram