Mizorama development projects, schemes leh programme hrang hrang cheng vaibelchhe 50 chunglam chin sensona, chak tak leh a hun taka zawh a nih theihna tura endika viltu tur Chief Minister Pu Lal Thanhawla kaihhruaina hnuaia din, High Level Monitoring and Surveillance Committee I (HLMSC I) chu nimin chawhnu khan a Chief Minister hovin Chief Minister Office Conference Room-ah meeting pawimawh tak an nei.
Meeting-a thuhma a sawi-ah Chief Minister chuan NEC Plenary meeting hmanni lawka New Delhi a neihah Mizoram chu thil dangah tiṭha mahse pro-ject implementation lamah ṭan lakna tur a la nei tam tih sawilan a nih thu a sawi a. NEC leh NLCPR hnuaia project te nakin zelah Mizoram tan phurrit liabi-lities a nih loh nan, a hun taka zawh a nih thei nan theihtawpa ṭan lak a pawimawh tih a sawi.
HLMSC I meeting-ah hian Environment, Forests, & Climate Change Department hnuaia Green India Mission project te; Mizoram Scholarship Board-in scholarship hrang hrang a buaipui te; P&E Department hnuaia Tlawva Small Hydel Project leh R-APDRP Part ‘B’ project te; PHE Department hnuaia Swacch Bharat Mission (Gramin)te; PWD hnuaia project/scheme 14 te; Rural Development Department hnuaia MGNREGS te; Rashtriya Uchchatar Shiksha Abhiyaan (RUSA) hnuaia project/scheme 6 te; School Education Department hnuaia project/scheme 2 te; State Investment Program Management & Implemention Unit (SIPMIU) hnuaia project 2 leh Tourism Department hnuaia project 1 te chu March 2017 quarter ah an thlen chin tarlan niin an hmabak leh harsatna an neih te chu a changtu Department hotulu ten sawizauin zawhna awmte an chhang nghal a ni.
Heng project leh scheme te hnathawh dan leh a hun taka zawh anih theihna tura hmalak dan tur ngun takin an thlirho a. Projects uluk taka a bulthut atanga ruahmanna tha tawklo a awm thin avanga a hun taka zawh hman loh awm thin te, sum ruahman dan fel tawk loh laite leh state matching share requirement ruahmanna fek zawk neih dan te an rel a. Pro-ject leh scheme te tiṭhuanawp thei tur risk assessment fel tak nei thin tur leh chu risk tih tlem dan tur ruahmanna siam ni se an ti a. Loan hmanga development projects te fimkhur taka kalpui leh high impact nei zawnga kalpui nise tihte an rel a ni.
HLMSC I hnuaiah hian HLMSC II awm bawkin Chief Secretary kaihhruaina hnuaia awm, cheng vbc. 50 hnuai lam project te a huam a ni.