Mamit District Dampa Tiger Reserve huam chhunga dan phalloha thingzai a awm chungchangah Environment Forest & Climate Change Department hotute chuan thilawmdan chhuichian thuai a nih tur thu an sawi.
Environment Forest & Climate Change Department Chief Conservator of Forest hotute sawi danin Dampa Tiger reserved huamchhung dan phalloh a thingzai a awm ngei a ni tih an hriat thu an sawi a, he thil enfiah tur hian Environment Forest & Climate Change Department Officer pakhat ruat niin, ani hian thil awmdan a hmunah tunah hian a enfiah mek niin CCF chuan a sawi.
Hetianga dan phalloha Tiger reserve chhunga thil tih awm chu a ti tute chiang taka hriatchhuah hnuah dan angin an chungah hremna lekkawh a nih tur thu Department hotute chuan an sawi a, thingzaitirtu nia Dampa group YMA tena an sawi, Dampa Tiger Reserve Field Director pawh chhui chian a ngai dawn niin CCF hotute chuan an sawi a ni.
Tarlan tawh angin Dampa Tiger Reserve chhunga thing-zai a awm ngei nia hriat avang-in Mamit Sub-Hqrs. YMA leh Dampa Group YMA hruaitute chuan Tiger Reserved chhung-ah hian Thawhṭanni khan Thingzai a awm leh awmloh enfiahna an nei a, Thawhṭannia an enfiahnaah hian thingkung puiltling 10 kihna hnu hmuh niin, heng bakah hian thingzai sa Dampa Tiger Reserved Forest-a Interpretation hall, Training hall, RO Quarters hnuai leh inchhungah te Thingzai – Ngiau cubic 205 leh Teak, block size 123 thuhruk an hmuchhuak tawh bawk a ni.