MIFCO Board of Directors thukhawm

Nimin khan MIFCO Board of Directors chu an Chairman Pu PC Zoram Sangliana, MLA kaihhruaiin NLUP Conference Hall-ah MIFCO hnathawhna hrang hrang thlirhona leh hmachhawp la awm bawhzui dan ngaihtuahin an ṭhukhawm.

MIFCO Board of Directors meeting chuan MIFCO thilsiamte chak zawka hralh a nih theih nan Local Market Partner neih te, state pawna theitui chak zawka hralhna tur kawng ngaihtuah te, Bung Bangla a ran talhna chak zawka kalpui dan te leh Sairang a Food Processing Plant-ah Mineral Water siamna khawl bun tur chu kumin sorkar kum chhung ngeia tihpuitlin chungchangte sawiho a nia.

Tunah hian MIFCO chuan Chhingchhipah Sapthei tui sawrin kuthnathawktute tharchhuah lei sak turin a inbuatsaih mek a. Sorkar hmalakna avangin kum tinin thlai leh thei chingtute tharchhuah tam tial tial chu lo lei sak zel thei turin nasa taka tan lak ni se, tiin vawiin Board Meeting chuan a rel bawk. Tuikum Cluster a NLUP-RKVY Scheme hnuaiah tun hnai khan chhungkaw 443 hnenah NLUP tanpuina sem niin, heta sapthei chingtute nen MIFCO chu tangkawpin kumin kum kal lai mekah hian tam zawk sawngbawl tura inbuatsaih mek a ni. Tunhnaiah MIFCO chuan a leiba (liabilities) te nasa takin a rulh thu vawiin meeting-ah hian sawilan a ni bawk.