Mipui duh pe turin ka lo kir:Mayweather

Boxing legend Floyd Mayweather chuan ‘mipui te duh pe turin’ Boxing a chawlhsan tawh aṭanga rawn kir lehin Irish UFC champion Conor McGregor chu a hmachhawn dawn tih a sawi.
Weight division hrang panga-a champion lo ni tawh, kum 40 mi, Mayweather chuan kum 2015 khan hneh loh nei lova a hmachhawn mi 49 a tukdawl hnuah Boxing a chawlhsan a, August ni 26 khian Las Vegas-ah kum 28 mi, McGregor nen an inhnek leh dawn a, light-middleweight-a inhnek tur pahnih te hian $100m vel ve ve an hlawh thei dawn a ni.

Mayweather chuan, “He inhnek hi hmuh an châk thu an sawi a. Ka châwl tawh hnu chung pawhin kir leh se min duh a, ka rawn kir leh ta a ni,” tiin a sawi a, Black Sports Online henah Mayweather chuan, “McGregor hi hmachhawn hautak tak a ni. Khawvel pum mipuiin he inhnek hi an hmu duh a, an hmuh duh ngei chu ka pe dawn a ni,” tiin, “Amah pawh a lawm a, kei pawh ka lâwm a, nghah mai mai a har hle a ni,” a ti bawk.

Tarlan tawh angin Mayweather hi September 2015-a Andre Berto a hneh hnuah a la inkhel leh lo a, hetihlai hian McGregor tan chuan Professional Boxing a khelh vawi khatna tur a ni

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram