SAGY Model Village atan MP (RS)-in Tlungvel khua a thlang

Nimin khan Pu Ronald Sapa Tlau, MP, Rajya Sabha chuan Tlungvel khua chu Sansad Adarsh Gram Yojana (SAGY) Model Village atan a thlang a,  Model Village a puanna hun hi Venghlun YMA Hall, Tlungvel ah neih a ni.

Pu Ronald Sapa Tlau, MP, Rajya Sabha chuan Mizoram khaw 800 chuang zingah model village atan Tlungvel khua thlan a nih chhan te  sawiin, khaw mipui te chuan Model Village an nih ang ngeia a taka hna an thawhrim zual bik leh  ṭan an lak a ngaih thu sawiin, Tlungvel khaw mipui te chuan Model Village chu khaw entawntlak tihna a ni tih an hriat reng a beisei thu a sawi a. Sawrkar duhsakna chiah beisei lova rim taka thawk chunga  sawrkar hmalakna te an thlawp zel chuan hlawhtlinna lian tham zawk pawh an hmuh zel a rin thu a sawi a. |anpui tlakloh te ṭanpui chu hun, sum leh tha khawhralna mai a nih thu a sawi a, SAGY thiltum tihhlawhtlin nan pawh ṭanpuina petu sawrkar ai mahin ṭanpuina dawngtu leh Tlungvel mipui te an pawimawh zawk dawn a ni a ti.

Model Village a puanna hun hi Pu V.Lalengmawia, Project Director, DRDA, Aizawl District-in a kaihruai a, he hunah hian SAGY Model Village kalphung tur computer hmanga entirna leh hrilhfiahna hun neih a ni a, Pi K.Lalrinzuali, State Nodal Officer, SAGY & Addl Secy, RD pawhin SAGY thiltum leh fuihna thu a sawi a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram