Nimin khan DC Conference Hall Serchhip ah sawrkar laipui hmalakna hrang hrangte mipui hnena hrilh hriatna hun ‘Sabka Saath Sabka Vikas Sammelan’ hman a ni.
He hunah hian khuallian Pu R.Vanrengpuia, SDO (Sadar), Serchhip chuan thu-sawiin he hun hi a hawng a, sawrkar laipuiin ram hmasawn-na atan leh mipuite ṭhatna atana ruahmanna a siamte hi kan hriatchian loh avangin kan chan tur kan chan tak loh thil tam tak a awm ṭhin, midang hrilh chhawng ve thei tur emaw khaw-tlang tana ṭangkaina awm thei thilte a nih avangin kan hriat ve ngei hi a ṭul a ni a ti a. Heng rua-hmanna a siamah te hian khua leh tui kan nihna anga kan tih ve ngei tur thil a awm thin a, midang tih atan khek mai lovin keimahni ngei kan chet chuah a tul hunah pawh che chhuak ve tura kan rilru kan siam a tul a. Sawrkarin ruahmanna eng pawh siam se ahlawhtlinna tur atan mipui kan pawimawh, mawhphurhna kan nei vek a ni a ti bawk. Sawrkar atanga a thlawna dawngtu nih ringawt hi a tawk lova, dik tak leh rinawm taka tha thawhtu nih hi kan mawhphurhna a ni a ti.
He hunah hian sawrkar department hrang hrang tangin sawrkar laipui tanpuina hmanga ram tana hnathawhte leh hmalakna te ngaihthlak a ni bawk a ni.
He hun hi Pu UN Das, DGM, BSNL chuan a kaihruai a, sawm bik zirlai naupangte leh mipui an kal tha hle a ni.
Ruahman lawk ang chuan he hun hi Manipur State Chief Minister Shri N. Biren Singh leh Manipur Official pawi-mawh ten telpui tura duan a ni a, amaherawhchu khua a nawm loh avangin Manipur Chief Minister te hian an programme an rawn thulh a, hetiang hian hun hi hman a ni ta a ni.
Last Update: by 