100%-in De Gea a chhuak dawn lo:Mourinho

Goalkeeper David de Gea chu tun season-ah Manchester United-ah a la awm dawn tih 100%-in a chiang niin manager Jose Mourinho chuan a sawi.

Spain internationak kum 26 mi hi Real Madrid-a lam pan mai tur anga sawi a ni reng a, kum 2 kalta phei kha chuan indawrna pawh tihfel a ni tawh a, mahse a hun taka paperwork tihfel a nih loh vangin Real Madrid a pan ta lo chauh a nih kha.

Mourinho pawhin nikum nipui khan United chuan De Gea hi real lamah an hralh dawn niawmin a sawi a, mahse tunah chuan an dinna an sawhsawn leh ta niin a lang, United boss chuan, “Tun season-ah chuan a chhuak dawn lo tih ka chiang thei a ni,” a ti a, nikum nipui chungchang sawichhuak lehin Real coach hlui chuan, “Kan Club chu kan inkhar tawh a, mahse kha tihlai khan player berin chhuah a duh tlat si a, kan dang ta lova, kan inhawng leh a, mahse anmahni [Real] kha an inkhâr leh ta zawk a ni,” tiin a sawi bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram