City-in Danilo an lalut fel

Manchester City chuan Real Madrid defender Danilo chu an lalutfel ta a, an lakluhna zat chiah hi tarlan ni lo mahse £26.5m vel a nih rin a ni.

Kum 26 mi, Brazil international hian kum 5 daih contract a ziak a, United States-a pre-season tour an neihnaah City hi a zawm dawn a, Danilo hi full-back-ah leh midfield-ah a khel thei ve ve a, kumin nipuia City-in player langsar an lakluh palina a ni.

Danilo chuan, “Club dang pawh min beiseitu an awm a, mahse ka tum ni reng ṭhin chu Pep Guardiola hnuaia inkhelh hi a ni,” tiin a sawi.

Danilo hi City-in kumin nipuia £150m dawn an senna a ni ta a, a hmaah hian England international Kyle Walker (£45m), Portugal midfielder Bernardo Silva (£43m) leh Brazilian goalkeeper Ederson Moraes (£35m) te an lo lalut tawh a, tunah hian £52m-in Monaco defender Banjamin Mendy lalut turin an inrem tawh a, hetihlai hian an left-back Aleksandar Kolarov chu £4.5m-in Serie-A Club Roma lamah an kaltir dawn bawk a ni.

Santos player hlui hian kum 2015 khan Porto aṭangin Real hi a zawm a, mahse season liam ta khan La Liga game 17-ah chiah a inlan a ni.