Serchhip – III huam chhunga tlawmngai pawl ten Govt Modern Middle School hmunah Teachers Inn sak tum an duh lo.
Zirtawpni zan khan Ser-chhip-III huam chhunga tlawmngai pawl te hi Lalpui-thanga hall-ah Chhim Veng Bran ch YMA koh khawmin an inhmukhawm a, he thu hi an pass a ni.
Thudawn danin Modern Middle School hmun hi kum 1972-ah Games & Sports Association-in School hmun atan an hlan a, school atana hman a nih tawh loh chuan Teachers’ Inn aia ṭangkai Indoor Stadium atana siam ni thei se an duh a ni.
Hemi chungchanga hma la tur hian NGO Co-ordination din nghal a ni a, Chairman-ah Pu C.Lalhminghlua (YMA) ruat niin, Vice Chairman-ah Tv. Thangngaizuala (YMA) leh Rualchhawnkima (YMA) te ruat an ni a, Secretary-ah Pu C.Laldinpuia, Asst Secretary-ah Pu R.Lalhmingliana (Chhim Veng Sporting Club), Treasurer-ah Pi Lucy Malsawm-tluangi (MHIP), Fin. Secretary-ah Pu F.Lianhlira (MUP) te ruat an nih bakah Executive member atan Chhim Veng-a pawl hrang hrang – YMA, MHIP, MUP, Sporting Club Office bearers te bakah prominent citizen mi 8 te ruat an ni.