Chinese Club 10-ten an bâ an rul tlak niin sawi

Chinese Super League club 13 te chu ba an neih hnem vanga season thara Football khel lo tura hrem theih dinhmuna an din hnuah CSL Club 10 te chuan an bâ an rul tih an sawi.

Chinese Super League club 13 zet te hi an player te hlawh an pek that theih loh avangin buaina an hmachhawn niin Mirror chuan a tarlang a, heng zingah hian Club lian Guangzhou Evergrande, Shanghai SIPG leh Shanghai Shenhua te pawh an tel a, heng club-te hian an player-te hlawh an pek ṭhat theih loh mai bakah ba tam tak an nei nia report a ni a, heng an ba te hi August ni 15 hma ngeia chingfel tura tih an ni.

An inchingfel thei lo a nih chuan season tharah league khelh ve phalsak an ni dawn lova, Second leh third tiers-ah pawh sum lama buai nia sawi an awm bawk a, Chinese Government chuan khauh takin thupek a chhuah a, eng Club pawh player hlawha £5.2m chin seng chuan hetiang zat chiah zel Chinese FA Youth development fund an pek vek a ngai a, hei pawh hi an palzut nia report a ni bawk.