Thu leh hla lama Serchhip tihmingṭha ṭhintu, nikuma boral ta Pu Lungduhsanga (L) @ Sangtea thuziak lakhawma a ṭhianten lehkhabua an siamsak, PHAIPHULENG LENMAWII tih chu vawiin hian Aizawl Press Club-ah Parliamentary Secretary Pu H.Zothangliana’n a tlangzarh dawn.
He hun hmang tur hian Serchhipa a ṭhiante engemawzat chu Aizawlah an kal dawn a ni. Pu Lungduhsanga hi MZP Serchhip Hqrs. president hlui niin, tuna MZP-in kumtin an hman chhoh tak, “Zoram Ni” hman rawtchhuaktu a ni a, amah hi thu leh hla thiam tak leh rilru chak tak a ni a, State Level-a thu leh hla lama intihsiaknaah pawh ṭum enge-mawzat lawmman pakhatna a lo la tawh ṭhin a ni.