Zothlifim Logo
Loading ...

ZNP Vice President Dr. Kenneth Chawngliana chuan, “Mizoram-in hamṭhatna hrang hrang kan neih ṭhat huin Development-ah sawrkar a kal chak lo” tiin a sawi.

He thu hi nimina ZNP chhung inkhawm neihah Dr. Kenneth Chawng-liana hian sawiin, “Mizote hi khawvela sakhaw changkang ber Kristianna vuantu kan ni a, lehkhathiam hnam kan ni a, India rama ram awl nei zau ber kan ni a, engkim chin theihna ram ṭha leh sik leh sa leh ruahtui tha tak nei kan ni bawk. Chubakah India Constitution lamah pawh pawisa lama duhsakna hrang hrang Special Category, NEC, DONER etc hrang hrang dawng vek kan ni. Mizoramin pawisa kan dawn hi hmasawnna chak taka kalpui nan a tam tawk a ni,” a ti a, “Hetiang ni chung si a , India ram State te (small state) 10 thlan chhuah zinga hmasawnna lama hniam ber 10-na kan ni thei hi thilmak tak a tling zawk a ni” a ti.

A sawi zelnaah ZNP Vice President Pu Kenneth Chawngliana chuan “Kum 30 chhung state puitling kan nih ve hnuah pawh Mizoramah hmalakna lian tham hlawhtling ta hmuh tur a vâng em em a. Hemi chungchangah hian State kan nih hnua sawrkarna chelhtu MNF leh Congress-ten mawh an phur a ni” a ti bawk.