Zothlifim Logo
Loading ...

Thawhlehni tlai khan Mizoram Science Congress 2016 a mi thiam hrang hrang te thuziak, research paper a bua siam – Mizoram Science Congress 2016 Procee-dings chu Dr. RK Lallianthanga, Chief Scien-tific Officer leh Member Secretary Mizo-ram Science, Technology and Innovation Council chuan Aijal Club- ah a tlangzarh.

Proceedings tlangzarh inkhawmah hian Dr. RK Lallianthanga chuan Science leh Technology lam thiamna hi Mizoram hmasawnna atan ṭangkai taka kan hman a pawimawh thu a sawi a, tunlaiah Mizo scientist-te kawng hrang hranga an ṭhanharh tawh zia leh an ṭangkai tawh zia tarlangin, inlungruala ram leh hnam tana thawk hova tan la zual sauh sauh turin a chah a ni.

Mizoram Science Congress 2016 Proceedings bu ah hian mi 154 thuziak awmin, Chapter 17 a awm a. A bu hming chu Science Congress thupui ‘Science and Technology for Shaping the Future of Mizoram’ tih a ni. Lehkhabu hi ruahman dan chuan a ziaktute leh Science Congress huaihawtnaa Committee Member te, partner institution-te leh funding agency viz. North Eastern Council (NEC) leh Department of Science and Technology (DST) Govt. of India hnenah a thlawna pek a ni ang a, chumi hnuah a duh apiang tana neih theih turin Mizo Academy of Sciences website-ah leh Mizoram Science, Technology and Innovation Council (MISTIC) website-ah te download theih turin dah a la ni ang.