South Africa Stadium chimah mi 2-in nunna an chân

South Africa-a Stadium lian ber, World Cup 2010 final khelhna, FNB Stadium chimah mi 2 thiin, mi 17-in hliam an tuar tih Football official te chuan an sawi.

Johannesburg-a Kaizer Chiefs leh Orlando Pirates-ten Soweto derby an khelh laia he thil hi thleng niin, he match ticket hi an inkhelh hma chawlhkar hnihah hralh zawh tawh niin, fans tam takin gate-a luhtlang tuma an nawrna vanga he chhiatna hi thleng ta niin an sawi a ni.

Kum 2001 April khan heng club pahnihte Ellis Park Stadium-a an inkhelhnaah chhiatna thlengin mi 43-in nunna an chan a, kum 10 liam ta khan Oppenheimer Stadium-ah heng club 2 te inkhelh ṭum bawk hian mi 42-in nunna an chân phahna chhiarna a lo thleng tawh bawk a ni.