Arsenal manager Arsene Wenger chuan Alexis Sanchez chu Thawhlehni-ah training a zawm leh a beisei thu a sawi a, an forward hi Club-a a châm chhunzawm zel a rin thu a sawi bawk.
Sanchez hi nipui chawlh a hman hnu-ah nimin Pathianni khan pre-season atana a in-report hun tur a ni a, mahse a damloh avangin a la châwl chhunzawm a, Wenger chuan 5-2-a Benfica an hneh hnuah Sanchez chung-chang sawiin, “A dam lo a, a dik a ni. Nimin khan a dam loh thu min lo thawn a ni,” a ti a, “Eng-mah hmasawnna dang a la awm lova, a la châm chhunzawm ang, a chiang a ni,” a ti bawk.
Arsenal striker hian Zirtawpni khan Instagram-ah thlalak post-in, caption-ah ‘sick’ tih zawng a dah a, an ram Chile chu Confederation Cup final a thlenpui hnu-ah pre-season training ṭan tlai phalsak a ni.
Kum 28 mi, Sanchez hian Arsenal-a a contract neih laia a kum tawpna ber a hmang ṭan mek a, amah ang bawk hian Mesut Ozil, Kieran Gibbs, Alex-Oxlade Chamberlain leh Jack Wilshere te pawhin an kum tawpna ber an hmang ṭan mek a, mahse Wenger chuan heng a player kum khat chauh contract neih tawh te hmalam hun hi tihchian la ni lo mahse Squad-ah nghawng ṭha lo a neih loh ngei a beisei thu a sawi a ni.