Manchester United manager Pep Guardiola chuan kumin nipuiah an Club chuan central defender lakluh an la tum dawn tih a sawi.
City hian kumin nipui-ah £200m vel bawr an hmang tawh a, heta ṭanga £120m lai hi defender pathum lakluh nan an hmang a, England right-back Kyle Walker chu Spurs aṭang-in £45m-in an lalut a, Brazil international Danilo chu Real Madrid aṭangin £26.5m-a an lakluh bak-ah France left-back Benjamin Mendy chu Mona-co aṭangin £52m-in an lalut bawk a, anni hmaah hian Portugal midfielder Bernardo Silva (£43m) leh Brazilian goalkeeper Ederson Moraes (£35m) te pawh an lo lalut tawh bawk a ni.
Player lalut nual tawh mahse Guardiola chu a la duhtawk lova, “Sum kan la hmang tam lutuk lo, enge lo thleng zel dawn i lo thlir ang,” a ti a, City hian Eliaquim Mangala chu an chuahtir rin a ni a, a laia ding turin Vicent Kompany, John Stones leh Nicolas Otamendi te la awm mahse an goal venghim tur lam hi an la duhtawk lo a ni.